El Kantoniko de Chochana - Chochana Lucie-Mazaltove



La vieja kere bivir para mas ver i oyir !
Vieja yo ? Ke mal me kere yo no so ke una vyejezika de otchenta kuatro anyos i medyo !
Mira, jurnaliko, no vas a arivar a inyervarme.
Yo vengo komo tengo el uzo, kon mi buen korason a darte un buen haber ke me alegra:
el Dyo santo kon su grasya me mando un angeliko para arelumbrar los  ultimos diyas de mi vida. Espero ke ya endevinates, si, si, me nasyo un bisnyeto.

Es el bohor de mis nyetos ke me izo este regalo.
Dunke, me deves de yamar bisnona, o bisgranmama es komo te plaze ! Esta vinida naturalmente fue okasyon para aunar toda la famiya i los amigos para azer el kavod ke se deve a muestro bohoriko.

Alora, jurnaliko, no vale pena de bivir
i oyir haberes buenos ?

Si almeno no teniya dolor de espalda.


Chochana-Lucie Mazaltove




Comments