El kantoniko de Chochana : Amigos de la Lettre Sépharade


Dechandome vos kontar la storia de Rachelika y del chalvar1. Al tiempo ke vos vo kontar, las mujeres parian en kasa. Rachelika era primeriza, novia de un anyo de kazada.  Las mujeres de la famiya no la dechavan sola, de modo ke kuando vino la ora de la paridura, se topavan ande eya Boulissa su madre, Estrella su suegra y Simbula su ermana la mas grande. La vizina Alegra se fue a yamar la kumadre.

Las dolores empesaron, mas fuertas de ora en ora. La povera Rachelika estava en un grito. Viendo en frente de eya un chalvar de su marido endriva del encolgador : “Dio santo mama ! Kitandome este chalvar ke es la kavza de todo el mal ! Aie ! Sinyor del mundo kitando este chalvar ke es la kavza de todo el mal !”

Simbula su ermana lo kito y lo desparisio de sus ojos.  

Una ora despues nasio Bohoriko. Alegria grande ! Besos ! Chupos ! Rachelika no se artava de mirar su Bohorico preciado.

Mirando en
frente de eya demanda a las mujeres presentes : “Ayi avia un chalvar, ke se izo ?”

Lucie Chochana Mazaltove


Comments