El Kantoniko de Chochana - Chochana-Lucie Mazaltove


Jurnaliko Amigo,

Ya ay unos juantos dias ke esto aprovando de eskrivir unas juantas 
palabras para el kantonilo.
Es verdad ke el tiempo y los anios passan. Ma passan sovre muestros ombras.

La vida es esto. Azeremos un poko de politesse.
Ke haber ? Ke tal ? Penso ke para ti todo vabien. Yo ? Ke keres ke te diza ? Para mi un dia sevoya un dia miel como dizen los arabos. Me as eras plazer de vezes en kuantos demandaras de mi para saver si esto biva o muerta. Es verdas ke las novedades negras se konosen presto, konkluzion inda esto aki ! Benditcho el Dio !

Mi belas ? No tengo gana de anoyer y endetchar ! Diremos ke todo esta normal, remarkates ke no topi koza ke vale la pena de kontarté. No te agas sehora para mi ! Un poko de repozo y vo topar !… Despues de un kafiko bien kayente. Me se aklara el meoyo ! Te vo contar de los dias ke passi en kaza de reposo. Komo siempre, personal simpatiko, limpieza, komida buena repozo.



Ke se kere de mas ? Esto es yo ke lo digo. Pormodo avia personas ke se kechavan de todo. No les dimos importansa. Mos topimos cinko miyeres en la mizma meza en la sala de komer. Los primeros dias inda estavamos endoloridos de la ke passimos antes de loparmos endjountos los dias passando, la salud mijor, kada una topo su proprio karacter natural. Slora era un plazer de toparmos. Soltanto ke el tiempo estava maniyifiko y yeno de flores. No avia ke rizas y burlas. Kontar consejas kantar. Devias oyermos, kon muestras bozes de aringa era una kakofonia superba. Kada una de mozotros venia de un lugar diferente teniamos muntcho a dizir. Lo mas fue la koral ke izimos. Te imaginos kon muestras bozer ronkas el sukceso ke tuvimos los dias passaron y vino la ora para kada una de mozotros de atornar a s kaza en odrando un suvenir de grande amistad. Todo esto es mada al plazer ke tuvimos de atornar en kaza y topar muestros keridos al giro de mozotros. 

Chochana-Lucie Mazaltove

Comments