Gastronomie : Dolly i la pita buyida


Como ya lo savesh, las mujeres de Selanik no uzavan lavorar afuera, y para pasar la ora, se arekojiyan las unas en de las otras para djugar kartikas : kien poker, kien kunkan, kien rami o a lo mijor, bridge.

Era una okazion para, entre dos partidas, komer borekas, filas o otras spesialitas.

Una de estas spesialitas de Selanik era la “pita buyida” que se aze muy presto i fasil.

En un tendjere se mete a
buyir dos kopos de agua, i tres kuartos de kopo de azeite. Kuando ya empeso a buyir se mete 150 gr. de kezo blanko (feta) ke se dezaze a la kalor. Si non se tyene kezo blanko, se puede emplear dos “carrés Gervais”.


Kuando ya se dezazyo el kezo se amata la lumbre y se vazia la kantita de agua asta obtener una masa ke se desfaga del tendjere. A este punto se adjunta un kopo de kezo rapé (gruyère o kashkaval) y se meskla todo. Se mete esta masa en un tepsin ( “moule à tarte”) sin graso ni nada al fondo.

Se ase
nta bien kon la palma de la mano porke, komo diziya mi nona, “mijor de este alet no ay”. Una vez ke ya esta bien apitado se kortan rectangolos uguales, y se mete, rapé endriva, al forno - moyen - deshando kozer 3/4 de ora asta ke se aze doré.

Se mete esta torta ansina sovre un papel absorbante y se sierve kon raki o otros beverages ( a kada uno su gusto...)
A la otra vez, por un otro plato...

Dolly Benozio

Comments