Poésie


 Silencio.
Hombre onde vas
pedrido en las calles
del viejo Salonik.
Ya no existen mas
ni visintados
ni cortijos
ni cuentos de Shabat.
Companiero en tu buelta
sera el silencio.

Ninias de Salonik
Ninias lindas de Salonik
regaladas de sus madres.
En viviendos yenas de vida
tanto confiente
s
por los dias a vinir
quen puedia imaginar
que por fuersa crual
vuestros ojos claros
se iyan por siempre amatar
sin alcansar a ver la luz.


Resa 
Padre que stas en los cielos
dime es muncho demandar
que los ninios de esta tierra
tengan letche de bever, y pan ?

Que todas las madres del mundo
aletchen sus ninios de miel
y nunca conosen l’
angustia 
la guerra el espanto y la fiel ?

 Sin espanto 
De mi muerte 
ya no me es
panto mas
porque en esta vida
muero mil veses 
con la muerte de los que mueren
y la dolor
de los que quedan !


                            Rita Gabbaï-Simantov :

     Quinientos anios despues “ Athènes 1992
Comments